向來世界盃南美洲區外圍賽都打得好激，但可能冇咗巴西，今屆出奇地形勢明朗，阿根廷同哥倫比亞雙雙26分帶頭，領先第5位烏拉圭7分餘下3戰，換言之今場一贏就即時取得決賽周席位，其中阿根廷面對幾近出局嘅巴拉圭，後者早有放棄心態，連奧斯卡卡度素都冇徵召回國，今場阿根廷贏面高唱入雲，客勝用嚟過關好穩陣。（周二37，足智彩周三9:40am網上文字直播）
至於哥倫比亞對正烏拉圭，今場前者和波就夠出線，所以有微傷在身嘅皇牌法卡奧會否正選上陣屬未知數，相對烏拉圭唔甘心再打附加賽，肯定希望贏晒餘下數戰趕上前4直接出線，兩隊實力接近烏拉圭勝在有主場兼戰意稍勝，讓平半值博。（周二30，香港時間周三6:00am開賽）
最後厄瓜多爾上場不敵哥倫比亞，外圍賽連輸3場，但想反底真係唔係時候，因為撞正作客玻利維亞，一個高原氣候都真係玩死佢哋，慘在呢場波厄軍仲係讓人一方，梗係捧主隊受讓平、半盤啦。（周二29，香港時間周三6:00am開賽）（眼鏡蛇）