德軍難除“根”
今日係國際比賽日，有唔少國家隊將會進行演練。其中一場世界盃決賽翻版，德國對阿根廷最受關注，兩隊都係世界級勁旅，實力毋庸置疑，雙方近年交手亦互有勝負。雖然德國最終捧走今屆世界盃，但決賽一戰，只在加時一球險勝阿根廷，贏得並非輕易。就算今仗佔有主場之利，亦難言穩勝對手。初盤德國讓半球，必揀阿根廷至少可力保不敗。
德國今仗缺少多名捧盃功臣，萬能隊長拿姆、神級射手高路斯及鐵閘馬迪薩卡已退出國家隊，舒雲斯迪加因傷未有在大軍名單中，奧斯爾、保定及曉姆斯同樣有傷在身。教練路維講到明，三人會留力周日的歐國盃外圍賽對蘇格蘭，況且今仗只係試陣為主，德軍無論戰力與競爭性必有所下降。
相反，阿根廷條氣肯定唔順，今戰以復仇為目標，更何況係馬天奴新官上任三把火，又點會想第一場就係敗仗？以世界盃原班人腳出擊，一於反客為主，報回世界盃決賽一敗之仇。
推介：阿根廷2:1
足球評述員 Ben