保特輕鬆跑贏大巴
【澳門日報消息】牙買加飛人保特在休季期間搞新意思，走去挑戰巴士，在阿根廷首都布宜諾斯艾利斯與一部大巴鬥跑八十米，保特全程睇住嚟食，贏得好輕鬆。
保特到阿根廷訪問，還在布宜諾斯艾利斯市中心、全世界最闊的七月九日大道上演一場人車大戰，馬路臨時變成短跑賽道，世界紀錄保持者的保特挑戰一部單層大巴。若與跑車比賽當然冇得跑，不過同大巴比拼，且今次只比拼短途的八十米，保特好有機會贏。
目標衛冕奧運
保特賽前做足熱身及按摩，大巴儘管馬力十足，但起步及加速相對較慢，保特在旁睇住嚟食，最後輕鬆率先衝線，保特賽後當然在大巴前擺出招牌動作，炫耀一番。主辦單位隨後再找來三名牙買加跑手再挑戰保特跑一百二十米，保特依然勝出。保特之後在社交網站留言：“感謝所有在布宜諾斯艾利斯睇我比賽嘅觀眾，這是一場很有趣的比賽，氣氛非常好，下次在阿根廷再見。”之前講過明年目標是打破二百米世績的保特並透露：“我的其中一個主要目標是到里約熱內盧奧運衛冕，從未有人試過三連冠，我希望盡可能做得到。”